Hazard dëshiron të qëndrojë te Real Madrid

10:53 | 20 Dhjetor 2021
Lorik Gerbeshi

Eden Hazard e di se e ardhmja e tij është në dyshime te Real Madridi dhe mund të largohet në fund të këtij edicion.

Sulmuesi belg nuk ka arritur të tregojë vetën te Los Blancos që kur u transferua nga Chelsea.

Me formën aktuale, Real Madridi po e mendon shitjen e tij qysh në afatin e janarit, raporton AS.

Por, mediumi spanjoll bënë të ditur po ashtu se Hazard nuk e dëshiron largimin nga Santiago Bernabeu.

Për më shumë, belgu po bëhet baba në këtë vit të ri dhe dëshiron që të qëndrojë edhe më tej në Madrid.

Ardhja në jetë e fëmijës së tij ka ndryshuar planet e Hazardit, pasi ai nuk dëshiron të largohet në janar.

Chelsea mendohet se është e gatshme ta rikthejë në Stamford Bridge, por që ende nuk ka ndonjë lëvizje konkrete.

Shpërndaje në rrjete sociale

Lajmet më të lexuara

Të ngjashme

Foto lajm