Hamsik konfirmon largimin nga Napoli

17:52 | 5 Shkurt 2019
Arbresh Info

Marek Hamsik ka konfirmuar sot (e martë) se do të largohet nga Napoli.

Hamsik i ka dhënë fund thashethemeve duke konfirmuar se do të largohet nga skuadra italiane për transferim në Kinë te Dalian Yifang “nesër ose pasnesër”, transmeton portali arbresh.info.

Njoftimi nga Hamsik erdhi gjatë një vizite të tij në shkollën private Daniel Deofe në Napoli mëngjesin e sotëm.

“Do të largohem nesër ose pasnesër”, citohet të ketë thënë lojtari për mediat italiane.

Shkolla, ku dy djemtë e tij kanë vijuar mësimin, ka postuar foto në faqen e tyre zyrtare duke u përshëndetur me mesfushorin.

Napoli thuhet se do të fitojë të paktën 18 milionë euro me shitjen e sllovakut në Dalian, skuadër e cila do ta paguaj mesfushorin të paktën 27 milionë euro gjatë tri viteve të tij./arbresh.info/

https://www.facebook.com/permalink.php?story_fbid=867190923451195&id=168256500011311

Shpërndaje në rrjete sociale

Lajmet më të lexuara

Të ngjashme

Foto lajm