Haland bën më shumë histori pas kontributit të tij në fitoren e Dortmund

17:33 | 27 Nëntor 2021
Lorik Gerbeshi

Borussia Dortmund ka arritur fitore me përmbysje ndaj Wolfsburg 3-1 në kuadër të xhiros së 13-të të Bundesligës.

Ndërsa, pasi humbi katër ndeshjet e fundit për shkak të lëndimit, Erling Haaland është rikthyer në aksion me më shumë histori në Bundesligë.

21-vjeçari hyri si zëvendësues në minutën e 73-të dhe arriti të gjejë golin e tretë për Dortmundin vetëm pas shtatë minutave lojë.

Ai tani regjistron 50 gola në 50 ndeshje të Bundesligës.

Golat tjera nga skuadra e Marc Rose u shënuan nga Emre Can nga penalltia në minutën e 35-të dhe Donyell Malen në minutën e 55-të.

Kurse për Wolfsburg, golin e vetëm të ndeshjes e shënoi Weghorst në minutën e dytë.

Pas kësaj fitore, Dortmund tani ngjitet përkohësisht në vendin e parë me 30 pikë, dy më shumë se Bayern Munchen e cila ka një ndeshje më pak.

Ndeshje tjera përfunduan me këto rezultate në Bundesliga:

Koln 4-1 Borussia Monchengladbach

Hertha Berlin 1-1 Augsburg

Greuther Furth 3-6 Hoffenheim

Bochum 2-1 Freiburg.

/Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm