Hadërgjonaj: Ishte ëndërr që të shkojmë në Euro 2020, do ta shkëmbeja golin për fitore

23:55 | 8 Tetor 2020
Arbresh Info

Sonte (e enjte) Maqedonia e Veriut mposhti Kosovën me rezultat të ngushtë 2 – 1.

Pas ndeshjes lojtari Florent Hadërgjonaj, ka thënë se është shumë vështirë të gjejë fjalët ngase ishte ëndërr kualifikimi në Euro 2020.

“Vështirë të gjejë fjalë pas kësaj ndeshje, ishim të përgatitur për fitore, të shkojmë në finale, të gëzojmë popullin tonë”, theksoi Hadërgjonaj për Superport.

“Vështirë të gjejmë fjalë kur shohim si shkoi ndeshje, me shansin që patëm në fund”.

“Ka qenë një ëndërr për ne të shkojmë në EURO2020, por fatkeqësisht nuk e arritëm”.

Tutje, Hadërgjonaj u shpreh se do e shkëmbente golin e realizuar për kalimin në finale

“Normalisht, vështirë është me gjetë fjalë për këtë. Do të ndërroja golin me një kalim në finale”, shtoi ai.

Sfida e radhës e Kosovës është ndaj Sllovenisë pas tri ditëve në “Fadil Vokrri”./arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm