Guardiola në sulm për yllin e Eintracht Frankfurtit

12:03 | 9 Janar 2025
E.G

Omar Marmoush është një nga zbulimet më të mëdha të Bundesligës për sezonin 2024/2025.

Me 13 gola në 15 ndeshje, sulmuesi i Eintracht Frankfurt ka tërhequr vëmendjen e klubeve të mëdha evropiane, përfshirë edhe Manchester Cityn.

Skuadra e Pep Guardiolës është duke e shqyrtuar seriozisht mundësinë për ta transferuar menjëherë Marmoush në “Etihad Stadium”.

Por, sipas mediave britanike, Eintracht Frankfurt ka kërkuar një shifër të lartë për ta lënë të largohet. Klubi gjerman kërkon të paktën 80 milionë euro për yllin e tij.

Kjo shumë është shumë e lartë për drejtuesit e Manchester Cityt, të cilët preferojnë të mos shpenzojnë më shumë se 60 milionë euro për transferimin e sulmuesit egjiptian.

Shpërndaje në rrjete sociale

Lajmet më të lexuara

Të ngjashme

Foto lajm