Pep Guardiola pranon se tregu i transferimeve ka pësuar një tranzicion pasi Arabia Saudite tundoi Riyad Mahrez për të bërë një lëvizje me para të mëdha.

Trajneri i Manchester Cityt, Guardiola beson se fuqia e pashembullt financiare e Arabisë Saudite ka ‘ndryshuar tregun e transferimeve’ pas transferimit të Riyad Mahrez për 30 milionë funte te Al-Ahli, transmeton Arbresh.info.

Anësori algjerian, i cili fitoi katër tituj të Premier Leagues me Cityn, mori një ofertë astronomike nga skuadra e Arabisë Saudite, e cila e tundoi të largohej nga Premier League dhe të fillonte një kapitull të ri.

Duke folur gjatë turneut para-sezonal të klubit në Korenë e Jugut, ish-trajneri i Barcelonës foli nëse City do të nënshkruante një zëvendësues për Mahrez dhe se si trendi i fundit i futbollistëve kryesorë që i bashkohen Ligës Saudite Pro ka ndryshuar merkaton.

“Ne nuk po kërkojmë një zëvendësues të Riyadit për sa i përket aftësive, sepse çdo lojtar është i ndryshëm. Arabia Saudite ka ndryshuar tregun. Disa muaj më parë, kur Cristiano [Ronaldo] ishte i vetmi që do të largohej, askush nuk mendonte se kaq shumë lojtarë të mirë dhe më të mirë do të luanin në ligën saudite. Në të ardhmen do të ketë më shumë dhe kjo është arsyeja pse klubet duhet të jenë të vetëdijshme për atë që po ndodh. Rijadi mori një ofertë të pabesueshme [nga Al-Ahli] dhe kjo është arsyeja pse ne nuk mund të thoshim mos e bëj”, tha Guardiola.

Pas transferimit dimëror të Ronaldos te Al-Nassr në fillim të këtij viti, dritarja e transferimeve verore në vazhdim ka parë superyje të futbollit si Karim Benzema (Al-Ittihad), N’Golo Kante (Al-Ittihad), Sadio Mane (Al. -Nassr), Ruben Neves (Al-Hilal), Edouard Mendy (Al-Ahli), Sergej Milinkovic-Savic (Al-Hilal) dhe të tjerë shpërngulen në Lindjen e Mesme./Arbresh.info/