Google ADS

Guardiola befason me deklaratën rreth gjyqtarëve

23:26 | 23 Shtator 2024
D.H

Trajneri i Manchester Cityt, Pep Guardiola, ka pranuar se lojtarët e tij do të fillojnë t’u mos u binden urdhrave të gjyqtarit pasi panë atë çfarë bëri Michael Oliver ndaj Arsenalit.

Oliver ka ‘rrëmbyer’ ballinat e gazetave pas barazimit 2-2 mes dy ekipeve, kjo për shkak të vendimit të tij për t’i dhënë kartonin e dytë të verdhë Leandro Trossard për shkak të goditjes së topit.

Kapiteni i ‘Qytetarëve’, Kyle Walker, ka pretenduar se Oliver duhet ta lejonte atë që të rikthehej në pozicionin e tij për goditjen e dënimit pasi u ftua për të biseduar me gjyqtarin.

Dhe Guardiola tani i ka dhënë jehonë mendimit të anglezit, duke shkuar një hap tutje dhe duke treguar se çfarë do të bëjnë lojtarët e tij nëse një situatë e ngjashme ndodhë në të ardhmen.

“Herën e ardhshme, kur gjyqtari t’i kërkojë kapitenit që të flas me të, ne nuk do të shkojmë sepse duhet të shkojmë në pozicionet tona”.

“Në të njëjtën kohë, ju duhet të shmangni pasimin e shpejtë. Ne e dimë se ata luajnë shpejtë, ne duhet të organizojmë më mirë mbrojtjen, ose situata të tilla do të ndodhin”, ka thënë Guardiola.

Man City do të rikthehet sërish në aksion në Ligën Premier vikendin e ardhshëm ku do të luajë në udhëtim ndaj Newcastle United./Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm