Google ADS

Griezmann i lodhur nga spekulimet rreth të ardhmes së tij

21:02 | 6 Prill 2017
Arbresh Info

Shënjestra e Manchester United, Antoine Griezmann pretendon se është i lodhur nga pyetjet rreth të ardhmes së tij.

Sulmuesi i Atletico Madridit ka qenë duke u kërkuar për transferim në ‘Old Trafford’ derisa edhe klubet si Real Madridi dhe Barcelona janë gjithashtu në garë për shërbimet e tij, transmeton portali arbresh.info.

Edhe pse 26-vjeçari në të kaluarën ka thënë se “ëndërron” për të luajtur në Angli, ai ka bërë të qartë sërish se është i lumtur te klubi në ‘Vicente Calderon’. Madje, reprezentuesi i Francës së fundmi ka shprehur zhgënjimin rreth thashethemeve për ardhmen e tij.

“Nuk e di se çfarë të them, është gjithmonë e njëjta pyetje”, tha Griezmann. “E kam thënë shumë herë, kam qenë shumë herë pjesë e ballinave. Jam përgjigjur tashmë, nuk dua të flas sërish rreth kësaj”

“Jam gati duke u mërzitur me këtë”

Griezmann ka shënuar 22 gola këtë sezon për skuadrën e Diego Simeones që është duke qëndruar 10 pikë larg liderit në La Liga, Real Madridit./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm