Granit Xhakës i largohet shiriti i kapitenit? Përgjigjet Unai Emery

15:24 | 29 Tetor 2019
Arbresh Info

Trajneri i Arsenalit, Unai Emery ka refuzuar të konfirmojë nëse Granit Xhaka do të vazhdojë të mbetet si kapiten i klubit.

Mesfushori kosovar reagoi ashpër ndaj tifozëve derisa po largohej nga fusha për zëvendësim në barazimin 2 me 2 të tyre kundër Crystal Palaces në Emirates pasditen e së dielës, transmeton portali arbresh.info.

Kur është pyetur nëse është marrë vendimi për shiritin e kapitenit, Emery tha:

“Për momentin nuk do të flas për këtë dhe nuk jam duke menduar për këtë”

Emery më pas shtoi: “Nuk është lehtë për të dhe skuadrën. Ai tani është i shkatërruar, i pikëlluar, ne kemi folur dje dhe mbrëmjen e së dielës gjithashtu edhe këtë mëngjes”

“Ai është stërvitur normalisht me grupin, por ai ishte i shkatërruar dhe pikëlluar me situatën”, shtoi Emery./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm