Granit Xhaka është shpërblyer për kontributin e tij të dhënë mbrëmjen e kaluar.

Mesfushori kosovar realizoi një gol të bukur nga distanca në fitoren 3 me 1 të “Topçinjve” në ndeshjen kthyese në Emirates të zhvilluar në kuadër të xhiros së 1/8-së kundër skuadrës italiane AC Milan, shkruan portali arbresh.info.

Arsenali eliminoi skuadrën nën udhëheqjen e trajnerit energjik Gennaro Gattuso nga UEFA Evropa Liga për të vazhduar tutje në çerekfinale.

Xhaka, i cili ishte startues edhe në takimin e parë ndërmjet klubeve të zhvilluar në San Siro javën e kaluar, është zgjedhur nga tifozët si “Lojtari i Ndeshjes” pas super performancës mbrëmjen e së enjtes në Emirates.

Reprezentuesi kosovar i Zvicrës bëri një paraqitje solide në mesfushë duke realizoi madje edhe golin e epërsisë në takimin si nikoqir.

25-vjeçari mposhti portierin e ri të talentuar Gianluigi Donnarumma me një goditje të fuqishme nga distanca që edhe pse arriti të ndalej fillimisht nga reprezentuesi i Italisë, topi në fund përfundoi në rrjetë./arbresh.info/

Your #AFCvACM man of the match?

That's this guy – well played, Granit 👏 pic.twitter.com/7sw3NoAjtH

— Arsenal (@Arsenal) March 16, 2018