Pasi kaluan krizën e rezultateve dhe morrën tri fitore radhazi, Golden State Warriors ka pësuar përsëri humbje.

Kampionët në fuqi të NBA-së janë mposhtur në udhëtim në Kanada nga Toronto Raptors.

Ndeshja e rregullt përfundoi me rezultat të barabartë 119:119, ndërsa u desh të luhej koha shtesë për tu përcaktuar fituesi.

Në fund ishin lojtarët e skuadrës kanadeze që arritën fitore pas kohës shtesë me tri pikë epërsi 131:128.

https://twitter.com/Raptors/status/1068350512146382853

Transferimi i madh i verës, Kawhi Leonard ishte më meritori për këtë fitore të Raptors me 37 pikë, tetë kërcime e tre asistime.

Me lojë të mirë u dallua edhe alo qendra nga Kameruni, Siakam që shtoi 26 pikë, ndërsa Serge Ibaka e mbylli ndeshjen me 20 sosh.

Për Golden State në këtë takim shkëlqeu basketbollisti i tyre më i mirë Kevin Durant. 30-vjeçari ishte i pandalshëm duke shënuar 51 pikë, 11 kërcime e gjashtë asistime, por që nuk mjaftuan për fitore.

https://twitter.com/warriors/status/1068380127749320704?ref_src=twsrc%5Etfw%7Ctwcamp%5Etweetembed%7Ctwterm%5E1068380127749320704&ref_url=https%3A%2F%2Ftelegrafi.com%2Fnuk-mjaftojne-51-piket-nga-kevin-durant-kampioni-gjunjezohet-ne-kanada%2F

Toronto pas kësaj fitore vazhdon të jetë lider në Konferencën e Lindjes me bilanc 19:4, ndërsa Warriors janë në vendin e tretë në Perëndim me bilanc 15:8.