Goditja e tmerrshme e Ronaldos nga gjuajtja e lirë, kameramani u bë ‘për spital’

12:31 | 17 Shtator 2023
E.H

Al Nassr ka marrë fitoren e radhës në elitën e futbollit arab, teksa ka mposhtur Al Raed në udhëtim me rezultat 1-3.

Sadio Mane, Anderson Talisca dhe Cristiano Ronaldo kanë qenë autorët e tre golave për skuadrën arabe që po vazhdon garën për titullin e kampionit.

Megjithatë ajo që është bërë virale nga kjo ndeshje është një gjuajtje e lirë e ekzekutuar nga Cristiano Ronaldo, por kësaj radhe që nuk përfundoi në gol, shkruan telegrafi.

Videot e bëra nga tifozët kanë sjellë pamjet se si kameramani që qëndronte pas portave ka pësuar një goditje të tmerrshme nga CR7.

Ylli portugez ekzekutoi një gjuajtje të lirë me një fuqi shumë të madhe dhe topi goditi kameramanin i cili u trondit nga fuqia e tij.

Se gjuajtja e CR7 ishte jashtëzakonisht e fortë tregon edhe foto e kameramanit pas ndeshjes ku në ballin e tij është një shenjë e madhe e cila do disa kohë për tu shëruar.

Gjithsesi mbetet të shihet nëse CR7 do ta kontaktoj kameramanin dhe t’i kërkoj falje për atë goditje pa dashje që i dha.

Shpërndaje në rrjete sociale

Lajmet më të lexuara

Të ngjashme

Foto lajm