Google ADS

Gjyqtarët kosovarë ndajnë drejtësinë në ndeshjen San Marino – Norvegjia U21

16:10 | 6 Shtator 2023
Orgesa Haziri

Gjyqtarët kosovarë do të ndajnë drejtësinë në ndeshjet kualifikuese të kombëtareve U21 për Euro 2025.

Ata do të jenë në krye të ndeshjes ndërmjet San Marinos dhe Norvegjisë, e cila zhvillohet të enjten në orën 18:00, shkruan Arbresh.info.

Gjyqtarë kryesor do të jetë Mervan Bejtullahu, me asistentë Edmond Zeqirin e Fatmir Sekiraqën, teksa gjyqtar i katërt do të jetë Vigan Ibërdemaj.

Lajmin e ka konfirmuar Federata e Futbollit të Kosovës përmes një njoftimi.

“UEFA vazhdon delegimin e gjyqtarëve kosovarë në garat evropiane, qoftë në nivel klubesh e qoftë në nivel të kombëtareve. Kësaj radhe një katërshe e gjyqtarëve kosovarë është deleguar për ndeshjen kualifikuese të kombëtareve U21 për Euro 2025”, ka shkruar FFK./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm