Gjithçka gati, Shqipëria mbyll përgatitjet për Italinë

22:45 | 14 Qershor 2024
K.B

Kombëtarja e Shqipërisë është gati për debutimin në Kampionatin Europian “Gjermani 2024”, ku sonte mbyllën seancën e fundit stërvitore.

Kuqezinjtë kanë mbyllur përgatitjet për duelin e parë në Kampionatin Evropian ndaj Italisë.

Kuqezinjtë nën drejtimin e Sylvinhos dhe stafit teknik u stërvitën për më shumë se një orë në stadiumin ju do të zhvillohet ndeshja, duke provuar vendosje taktike dhe situata të ndryshme loje.

Forma e lojtarëve është e mirë dhe deri më tani nuk ka probleme fizike për asnjërin me atmosferën që është shumë pozitive dhe të gjithë të gatshëm për të dhënë kontributin për takimin ndaj Italisë.

Sfida Itali – Shqipëri do të luhet nesër (e shtunë) më datë 15 qershor, ora 21:00 në stadiumin e Dortmundit. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm