Gjilani i kthehet fitores, triumfon ndaj Llapi-t në udhëtim

18:01 | 23 Shtator 2020
Arbresh Info

Nënkampioni i Kosovës ka arkëtuar tri pikë të arta në udhëtim të Llapi.

Skuadra e drejtuar nga trajneri Gentjan Mezani me rezultat minimal 0 – 1, arriti të mposhtë Llapi-n e Tahir Batatinës, shkruan portali arbresh.info.

Gjatë pjesës së parë të dy skuadrat kishin raste të mira, por s’ia dolën t’i konkretizojnë duke shkuar në pushime me rezultat të barabartë 0 – 0.

Mirëpo, gjatë 45-minutëshit të dytë, Gjilani ishte skuadër më e mirë dhe me meritë fitoi ndeshjen.

Së pari Fiton Hajdari në minutën e 52-të humbi penalltinë, kurse pas 10-minutave ishte Darko Nikac që tundi portën e vendasve.

Pas kësaj fitore, Gjilani renditët në pozitën e 10-të me tri pikë, kurse Llapi nuk ka fituar ende asnjë pikë./arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm