Google ADS

Giresse: Kosova është gati për t’u përballur me Zvicrën

20:05 | 28 Mars 2022
KRG

Përzgjedhësi i Kosovës, Alain Giresse, është paraqitur sonte në konferencën për shtyp në prag të ndeshjes miqësore që Kosova do ta zhvillojë nesër në udhëtim te Zvicra.

Giresse tha se kanë marrë të gjitha masat për ndeshjen e nesërme, teksa Zvicrën e vlerësoi si një prej pesë ekipeve më të mira në botë.

“Kemi marrë të gjitha masat për ndeshjen me Zvicrën, pasi e dimë që është një prej pesë ekipeve më të mira në botë. Nuk kemi përzgjedhur ende asgjë rreth formacionit, mund të luajnë të gjithë futbollistët e ftuar”, tha tekniku francez.

“Duke marrë parasysh historinë, lidhjen e shqiptarëve të Kosovës që luajnë me Zvicrën, besoj se do të jetë ndeshje emocionale. Këtë lojë e kam përgatitur sikurse për ndeshjet tjera dhe nuk besoj se do të kemi telashe në aspektin emocional”, shtoi selektori i “Dardanëve”.

Ndryshe, miqësorja Zvicër – Kosovë do të zhvillohet në stadiumin “Letzigrund” në Cyrih, me fillim ora 18:00.

Shpërndaje në rrjete sociale

Lajmet më të lexuara

Të ngjashme

Foto lajm