Giampaolo vendos rekord të ri në Milan

20:01 | 8 Tetor 2019
Arbresh Info

Marco Giampaolo ka vendosur një rekord të ri në klub duke qëndruar për vetëm 111 ditë si trajner i Milanit para se të shkarkohej.

Ish trajneri i Empolit dhe Sampdorias është shkarkuar mbrëmjen e sotme (e martë) dhe Stefano Pioli pritet nga të gjithë të emërohet në vend të tij, transmeton portali arbresh.info.

Duke mos përfshirë trajnerët e përkohshëm, Giampaolo është trajneri që ka shërbyer më së shkurti në histori të Milanit.

Ai ka bërë vetëm shtatë paraqitje duke siguruar tri fitore dhe duke pësuar katër disfata.

Skuadra e tij ka shënuar gjashtë gola dhe ka pësuar nëntë gjatë këtyre ndeshjeve në Serie A./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm