Google ADS

Genoa fiton me përmbysje ndaj Juventusit dhe shton gjasat për qëndrim në Serie A

23:01 | 6 Maj 2022
Lorik Gerbeshi

Genoa ka marrë një fitore të madhe me përmbysje ndaj Juventusit duke fituar takimin 2-1.

Pjesa e parë ishte shumë e qetë me dy skuadrat që krijuan disa raste shënimi, por pa arritur të gjenin golin.

Kësisoj 45 minutat e para përfunduan ashtu siç filluan me rezultat të bardhë 0-0.

Pjesa e dytë nisi fuqishëm për Juventusin që shënuan me Paulo Dybalan për të kaluar në epërsi 0-1.

Por vendasit bën rikthim të çmendur në fund të ndeshjes, kur në minutën e 87-të barazuan me Gudmundsson për 1-1.

Në minutën e fundit, mysafirët shkaktuan penallti dhe kapiteni Deomenico Criscito mori përgjegjësinë.

I saktë nga pika e bardhë u tregua Criscito që shënoi për t’i dhënë tri pikë të arta Genoas në luftën për mbijetesë.

Me këtë fitore Genoa shton gjasat për të mbetur në ligë, pasi ka 28 pikë në vendin e 18-të, derisa Juve mbetet e katërta me 69 pikë.

Ndeshjen e ardhshme Juventusi e luan në Allianz Stadium ku pret Lazion, derisa Genoa do të ndeshet me Napolin në udhëtim.

Shpërndaje në rrjete sociale

Lajmet më të lexuara

Të ngjashme

Foto lajm