Gattuso është takuar me krerët e Milanit

12:17 | 1 Janar 2019
Arbresh.info

Mediat italiane raportojnë se Gennaro Gattuso është takuar me hierarkinë e Milanit pas ndeshjes ndaj Spalit dhe atë e kanë rikonfirmuar besimin në punën e tij.

Rossonerët i kishin kaluar katër ndeshje pa fitore, madje edhe pa shënuar gola, ashtu që trajneri kishte nevojë të domosdoshme për një fitore.

Dhe triumfi erdhi, pikërisht ndaj Spalit, me rezultat 2-1, derisa edhe Gonzalo Higuain e gjeti golin.

Sipas Sky, Leonardo, Paolo Maldini dhe shefi i ri ekzekutiv, Ivan Gazidis, kanë mbajtur një takim me Gattuson pas ndeshjes.

Drejtorët e klubit e kanë ripërsëritur besimin e tyre në punën e trajnerit, derisa Maldini dhe Leonardo e kanë thënë edhe publikisht.

Përkundër thashethemeve të vazhdueshme për pozitën e trajnerit të Milanit, asnjëherë nuk ka pasur dyshime reale për punën Gattusos.

Legjenda e Rossonerëve e mori drejtimin e skuadrës në nëntor të vitit 2017 pas shkarkimit të Vincenzo Montellas. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm