Gareth Southgate nënshkruan kontratë të re me Anglinë

13:13 | 22 Nëntor 2021
Lorik Gerbeshi

Trajneri i Anglisë, Gareth Southgate ka nënshkruar një kontratë të re, duke e mbajtur atë në krye deri pas EURO 2024.

Tekniku anglez ka qenë jashtëzakonisht i popullarizuar që kur morri skuadrën në vitin 2016, duke i çuar ata në gjysmëfinalet e Kupës së Botës të vitit 2018 dhe finalen e EURO 2020.

Anglia nuk kishte arritur në një gjysmëfinale të ndonjë turneu që nga viti 1996 dhe nuk kishte luajtur në një finale që nga viti 1966.

“Ne kemi një mundësi të madhe para nesh dhe e di që ata dhe tifozët janë të gjithë të emocionuar për atë që kjo skuadër mund të arrijë në të ardhmen”, tha Southgate.

51-vjeçari së fundmi mbikëqyri një fushatë të suksesshme për t’u kualifikuar në Kupën e Botës “Katari 2022”./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm