Google ADS

Galatasaray fiton derbin e Turqisë ndaj Fenerbahçes

21:49 | 21 Shtator 2024
D.H

Galatasaray ka marrë një fitore në udhëtim tek rivali i madh Fenerbahce me rezultat 3-1 në kuadër të javës së gjashtë në Superligën e Turqisë.

Pas vetëm 20 minutash në derbi, Dominik Livakovic nuk arriti të intervenonte mirë, duke realizuar auto-gol, pasi topi e goditi shtyllën dhe më pas kroatin në shpin për të përfunduar në rrjetë.

Tetë minuta më vonë, Dries Mertens e dyfishoi epërsinë për Galatasarayn me një asistim të Victor Osimhen.

Me kaq edhe përfundoi pjesa e parë në derbi, derisa në 45 minutat e dytë u shënuan edhe dy gola të tjerë.

Gabriel Sara e bëri rezultatin 3-0 në minutën e 60-të, kur u asistua prej Lucas Torreira.

Tre minuta më vonë, Edin Dzeko shënoi golin e nderit për Fenerin, kur realizoi nga penalltia për 3-1.

Pas gjashtë xhirosh të zhvilluara, Galatasaray ka 18 pikë, pesë më shumë se Fenerbace që ka për trajner Jose Mourinhon. 

Shpërndaje në rrjete sociale

Lajmet më të lexuara

Të ngjashme

Foto lajm