Google ADS

Futbollisti kryesor i Chelsea pritet të mungojë ndaj Arsenalit

12:41 | 23 Prill 2024
D.H

Chelsea rikthehet në Premier League të martën në mbrëmje teksa pas eliminimit në gjysmëfinalen e FA Cup, do të synojnë suksesin në derbin e Londrës ndaj Arsenal.

Para ndeshjes në një konferencë për media trajneri i Chelesea, Mauricio Pochettino ka theksuar një mungesë të madhe sonte në ndeshje ndaj ‘Topçinjve’.

Argjentinasi tha se do të mungojë një nga më të mirët e këtij sezoni, Cole Palmer.

Pochetino u shpreh se sulmuesi anësor është i sëmurë dhe nuk ka marrë pjesë në stërvitjen e fundit të skuadrës, ndaj me shumë mundësi do të jetë i padisponueshëm për ndeshjen me Arsenalin.

Padyshim se kjo është një mungesë shumë e rëndësishme për blutë duke marrë parasysh formën e lartë që po kalon.

21-vjeçari ka impresionuar në këtë sezon të parë me Chelsean teksa në 28 ndeshje të Premier League ka arritur të shënoj 20 gola ndërsa ka kontribuar edhe me nëntë asistime.

Sfida mes këtyre dy skuadrave fillon nga ora 21:00./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm