Google ADS

Futbollistët e Juventusit shkojnë në stadium për ta përkrahur ish-kapitenin Giorgio Chiellini

12:25 | 30 Korrik 2022
L G

GIorgio Chiellini është larguar pas 16 viteve nga Juventusi për ta vazhduar karrierën në SHBA te Los Angeles FC.

Ndërkohë gjiganti italian Juventus po zhvillon fazën përgatitore në Amerikë, derisa futbollistët e Zonjës së Vjetër kanë shkuar në stadium për ta përkrahur nga afër ish-kapitenin e tyre.

Bardhezinjtë kanë përfituar nga faza përgatitore që janë duke zhvilluar në Shtetet e Bashkuara të Amerikës në prag të startit të sezonit të ri për të shkuar në stadiumin e Los Angeles FC për të parë ekipin e ri të ish-kapitenit, Chiellini.

Los Angeles fitoi me rezultat 2-1 ndaj Seattle, derisa futbollistët e Juventusit ishin të pranishëm në tribunën VIP të stadiumit.

Pas përfundimi të ndeshjes, futbollistët e Juventusit kanë zbritur në fushë për ta takuar ish-shokun e skuadrës duke bërë foto dhe video me të. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm