Fury duhet ta marrë seriozisht Schwarzin ose e pret fati i njëjtë me Joshuan

23:55 | 15 Qershor 2019
Arbresh Info

Tyson Fury është këshilluar që ta marrë shumë seriozisht duelin ndaj Tom Schwarz në debutimin e tij në SHBA, përndryshe rrezikon ta përjetojë të njëjtin fat me rivalin e tij në kategorinë e peshave të rënda, Anthony Joshua.

Ish-kampioni i unifikuar i dorëzoi titujt e tij, WBO, WBA dhe IBF, pas humbjes së papritur në Madison Square Garden në New York, ku u nënshtrua nga Andy Ruiz Jr.

Ekspertët e boksit thonë që Fury duhet të jetë në maksimumin e tij në Las Vegas, në mënyrë që të mos lejojë befasi.

“Schwarzi duhet të merret shumë, shumë seriozisht. Fundja, ai është i pamposhtur dhe vlerësohet lartë në kategorinë e peshave të rënda”.

“Ajo që i ndodhi Anthony Joshuas është analizuar mirë nga Tyson Fury dhe ekipi i tij. Tyson ishte 24-0 kur e mposhti Wladimir Klitschkon dhe askush nuk priste që ai të fitonte atë natë në Dusseldorf”, kanë thënë ekspertët për talkSPORT.

Shpërndaje në rrjete sociale

Lajmet më të lexuara

Të ngjashme

Foto lajm