Google ADS

Frika nga gjigantët anglez, Lazio gati kontratën e re për Thomas Strakoshën

18:48 | 9 Prill 2020
Arbresh Info

Portieri i Lazio-s, Thomas Strakosha është duke u kërkuar nga Tottenham dhe Leicester City, andaj klubi italian dëshiron t’ia rinovojë kontratën.

Strakosha është në formë të shkëlqyer me gjigantin italian dhe ka rol shumë të rëndësishëm në skuadër, e cila është duke ‘luftuar’ për Seria A me Juventus e Inter, transmeton portali arbresh.info.

Kontrata momentale e shqiptarit skadon në verë te vitit 2022 dhe fiton 1.2 milionë euro në sezon, por Lazio planifikon t’ia rinovojë kontratën deri në vitin 2025, ndërsa me kontratën e re do fitojë 2 milionë euro për sezon.

25-vjeçari ishte pjesë e akademisë së Lazio-s në vitin 2012 dhe ishte trajneri, Simone Inzaghi që e solli në ekipin e parë dhe filloi të punoi me të që nga ditët e para të tij në stolin e klubit italian.

Strakosha këtë sezon ka qenë i pazëvendësueshëm te Lazio duke e mbajtur portën e paprekur në nëntë ndeshje, ndërsa ka pësuar vetëm 23 gola në 26 paraqitje në Seria A./arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm