Frankfurti favorit për transferimin e Imerit para skuadrave italiane

15:09 | 19 Maj 2022
Lorik Gerbeshi

Kastriot Imeri është zbulimi i këtij edicioni në elitën e futbollit zviceran.

Mesfushori ofensivë nga Kosova ka shkëlqyer me fanellën e Servettes duke shënuar 11 gola e duke asistuar në tre të tjerë.

Falë paraqitjeve fantastike, Imeri është bërë edhe pjesë e Përfaqësueses A të Zvicrës dhe ofertat për të nuk po mungojnë.

Megjithatë mediat zvicerane kanë raportuar se skuadra gjermane Eintracht Frankfurt është favorite për të nënshkruar me talentin nga Kosova.

Frankfurt ka kontaktuar agjentët e futbollistit dhe vet Imeri raportohet se pëlqen Bundesligën para Serie A.

Interesim për reprezentuesin zviceran kanë shprehur Fiorentina e Torino në Serie A, derisa në Ligue 1 të Francës e kërkon skuadra Nice.

Servette synon që nga shitja e 21-vjeçarit të fitojë mbi gjashtë milionë euro.

Edhe vet Imeri preferon Bundesligën dhe Frankfurtin për faktin se skuadra gjermane edicionin e ardhshëm do të luaj në Ligën e Kampionëve.

Shpërndaje në rrjete sociale

Lajmet më të lexuara

Të ngjashme

Foto lajm