Franca është gati për “Euro 2020”

08:09 | 9 Qershor 2021
S D

Franca e ka mundur 3-0 në miqësoren e fundit Bullgarinë, dhe është gati për Kampionatin Evropian.

Gjelat triumfuan 3-0 me një gol në pjesën e parë dhe dy të tjerë në atë të dytë.

Golin e epërsisë, për ‘Gjelat’ ka arritur të shënojë sulmuesi i Barcelonës, Antoine Griezmann.

Ai shënoi një gol të bukur në minutën e 29-të.

Golat tjerë u shënuan në pjesën e dytë. Që të dy i shënoi sulmuesi, Oliver Giroud.

Ai hyri në lojë në minutën e 41’, duke zëvendësuar të dëmtuarin, Karim Benzema, që ende s’dihet shkalla e lëndimit.

Giroud shënoi për 2-0 dhe 3-0 në minutat 83’ dhe 90’.

Franca e nis Evropianin kundër Gjermanisë me 15 qershor, më pas do të përballet me Hungarinë dhe në fund me Portugalinë, ku do të mësohen dy skuadrat që kalojnë grupin.

Shpërndaje në rrjete sociale

Lajmet më të lexuara

Të ngjashme

Foto lajm