Google ADS

Franca arkëton tre pikë të mëdha nga një udhëtim i vështirë në Belgjikë

23:09 | 14 Tetor 2024
D.H

Franca arriti të triumfoi ndaj Belgjikës me rezultat 2-1 në kuadër të xhiros së katërt në Nations League.

Bekgjika pati mundësinë të avancoi në minutën e 23-të, mirëpo Youri Tielemans dështoi nga pika e bardhë.

Në pozicion të njëjtë u vë Kolo Muani 12 minuta më vonë i cili nuk gaboi nga pika e bardhë, dhe kaloi në epërsi 1:0 Francën.

Në minutën e tretë shtesë të pjesës së parë, Belgjika barazoi në 1:1, me Lois Openda realizator.

Kolo Muani ishte heroi i Francës ku në minutën e 62-të, realizoi edhe golin e dytë që do të ishte vendimtar në fundin e ndeshjes.

Në minutën e 76-të, me kartonin e dytë të verdhë u ndëshkua Aurelien Tchouameni, kapiteni i Francës në këtë ndeshje.

Përkundër që me 10 lojtar nga ky moment, “gjelat” arritën ta mbajnë epërsinë dhe të arkëtojnë pikët e plota në këtë udhëtim të vështirë.

Franca është e dyta me nëntë pikë, një më pak se Italia. Belgjika mbetet me tri pikë në pozitën e tretë.

Shpërndaje në rrjete sociale

Lajmet më të lexuara

Të ngjashme

Foto lajm