Fortesa Orana, një fitore larg medaljes së bronztë evropiane

17:17 | 19 Maj 2021
A. B.

Fortesa Orana është pranë medaljes evropiane në Kampionatin Evropian të karatesë, që po mbahet në Poreç të Kroacisë.

Karateistja jonë shënoi katër fitore, për të fituar grupin e saj në kategorinë +68 kg.

Raundin e parë e kaloi pa luftë, në të dytën mundi Simona Simovska të Maqedonisë së Veriut. Në raundin e tretë triumfoi ndaj Nancy Garcia të Francës, ndërsa në çerekfinale fitoi ndaj Titta Keinanen të Finlandës,e teta në renditjen botërore.

Rruga drejt medaljes së artë iu ndalë në gjysmëfinale, ku u mund nga bullgarja, Aleksanddra Stubleva.

Fortesa do të luftojë për medaljen e bronztë. Luftat për medalje zhvillohen të dielën.

I urojmë fat dhe suksese Oranës, si dhe sportistëve tjerë të cilët do të garojnë sot, nesër dhe pasnesër.

Kampionatin po e ndjek nga afër edhe presidenti i KOK-ut, Ismet Krasniqi, njëherit kryetar i Federatës së Karatesë së Kosovës.

Shpërndaje në rrjete sociale

Lajmet më të lexuara

Të ngjashme

Foto lajm