Interi dhe Barcelona kanë publikuar formacionet zyrtare për ndeshjen mes tyre mbrëmjen e sotme (e martë).

Dy gjigantët evropian kanë zbuluar njëmbëdhjetshen startuese për takimin në stadiumin San Siro në kuadër të xhiros së katërt të ndeshjeve në Grupin B në UEFA Ligë të Kampionëve, shkruan portali arbresh.info.

Gjiganti katalunas ka udhëtuar në Itali në dijeni që fitorja e katërt në kompeticionin më të madh evropian për klube do t’i siguroj atyre kualifikimin si fitues i grupit, por ata kanë një detyrë mjaftë të vështirë kundër skuadrës së Interit që ka regjistruar shtatë fitore radhazi në Serie A, përfshirë poshtërimin 5 me 0 që ia shkaktuan Genoas në vikend.

Klubi i madh italian ka mundësi gjithashtu për të konfirmuar kualifikimin e tyre nëse mposhtin Barcelonën dhe nëse ndeshja tjetër në kuadër të Grupit B përfundon me barazim. Kjo ka shtuar simulimin e Luciano Spalletit dhe skuadrës së tij për të marrë një fitore, megjithëse disfata e vetme e Interit në dhjetë ndeshjet e fundit kompetitve ishte ajo 2 me 0 kundër Barcelonës në takimin e parë mes tyre, shkruan portali arbresh.info.

Megjithatë, “Nerazzurrët” mund të rikthejnë besimin nëse bazohen në rekordin e tyre të shkëlqyer evropian kundër skuadrave spanjolle në San Siro, ku kanë humbur vetëm një herë në 18 ndeshjet e fundit të tyre (nëntë fitore, tetë barazime, një humbje) dhe janë të pamposhtur në tri ndeshjet e fundit kontinentale në shtëpi kundër Barcelonës (një fitore, dy barazime).

Vizitorët kanë fituar grupin e tyre në Ligë të Kampionëve për 11 sezone radhazi, por ata kanë humbur katër nga dhjetë ndeshjet e tyre evropiane si mysafirë.

Sidoqoftë, Barcelona ka një rekord fragmentar për ndeshjet si mysafirë në përgjithësi kundër skuadrave nga Serie A duke fituar gjashtë nga 23 ndeshjet e tyre të fundit kompetitive në Itali (dhjetë barazime, shtatë humbje) dhe janë pa fitore në shtatë të fundit (katër barazime, tri humbje).

Superylli Lionel Messi është në dispozicion vetëm nga bankina për skuadrën e Ernesto Valverdes.

Takimi mes tyre fillon nga ora 21:00./arbresh.info/