Liverpool thuhet se është refuzuar sërish pasi Fluminense nuk pranoi një ofertë prej 30 milionë eurosh për mesfushorin, Andre.

Sipas ESPN , klubi brazilian ka kundërshtuar interesimin e Liverpool-it për mesfushorin e tyre, shkruan Arbresh.info.

Pavarësisht dëshirës së Liverpool-it për të siguruar Andre-në para mbylljes së dritares së transferimit më 1 shtator, Fluminense janë të vendosur të mbajnë brazilianin.

Pasi humbën Moises Caicedon dhe Romeo Lavian, Liverpooli ka zhvendosur vëmendjen e tyre në objektiva të tjerë për të përforcuar më tej mesfushën e tyre pas largimit të Fabinho dhe Jordan Henderson në Arabinë Saudite.

Ata kanë marrë tashmë Wataru Endo nga Stuttgart  në një marrëveshje prej 19 milionë, por Jurgen Klopp ende po kërkon të shtojë një mesfushor më shumë në listë.

Megjithatë, kuptohet që bordi i Fluminense i komunikoi Liverpool-it se edhe një ofertë e shtuar nuk do t’i shtynte ata të ndryshonin mendje pasi Andre nuk është në shitje.

22-vjeçari, i kontraktuar me Fluminense deri në dhjetor 2026, është një lojtar kryesor nën drejtimin e trajnerit Fernando Diniz, pasi ka marrë pjesë tashmë në 40 ndeshje këtë sezon./Arbresh.info/