U mbajt turneu tradicional Adem Jashari. Morën pjesë 70 pingpongistë dhe pingpongiste nga Kosova.

Garat u zhvilluan në sistem eleminimi me tri të fituara. Që nga fillimi pat mjaft ndeshje interesante e plot befasi, duke filluar nga humbja e Alimehmet Kaçanikut ndaj Isa Çitakut të Klinës, pastaj Jeton Beqiri fillimisht fitoj me 3:2 ndaj Kreshnik Mahmutit që ishte favorit edhe për medalje, e pastaj edhe ndaj kampionait të vitit të kaluar Milot Makollit po ashtu me 3:2 në një ndeshje me plotë shkembime atraktive, për të humbur në gjysmëfinale nga shoku i klubit Mentor Shabani me 3:1. Në anën tjetër talenti nga Prizreni fitoi ndaj Baton Çitakut në qerek finale me 3:2, pastaj në gjysmëfinale ndaj Rrahman Ademajt me 3:1, si dhe në finale ndaj Mentor Shabanit me 3:1, duke dëshmuar se titulli i fituar për TOP 12 Senior nuk ka qenë rastësi.

Në kategorinë e femrave patëm një numër ndjeshëm më të vogël, por cilësia ishte në nivelin e pritshëm. Në gjysmëfinalen e parë Linda Zeqiri fitoi ndaj Iliriana Halitit me 3:2, e në gjysmëfinalen e dytë Nehare Janjeva ndaj Alma Mehmetit me 3:0. Në finale Linda fitoi ndaj Nehares me 3:0, e kështu me plotë meritë fitoi turneun e sivjetëm kushtuar heroit Adem Jashari.

Femrat

Vendi i parë: Linda Zeqiri

Vendi i dytë: Nehare Janjeva

Vendi i tretë: Ilirjana Haliti dhe Alma Mehmeti

Meshkujt:

Vendi i parë: Fatih Karabaxhaku

Vendi i dytë: Mentor Shabani

Vendi i tretë: Rrahmon Ademaj dhe Jeton Beqiri.