Real Madridi dhe Barcelona do të takohen sot (e diel) me fillim nga ora 21:00 në atë që do të jetë El Clasico e fundit për këtë sezon.
Barcelonës i duhet një fitore për të mbajtur ‘gjallë’ shpresat për titull në La Liga, pasi momentalisht janë tetë pikë mbrapa Real Madridit, teksa kanë mbetur edhe shtatë ndeshje deri në përfundim të kampionatit.
Blaugranasit futen në këtë ndeshje si të pamposhtur në 10 ndeshjet e fundit në La Liga, ndonëse ata pësuan një goditje të rëndë kur u eliminuan nga Liga e Kampionëve të martën.
Sido që të jetë, ata mund të motivohen nga rekordi i tyre në ‘Santiago Bernabeu’, aty ku kanë fituar shtatë nga 10 takimet e fundit.
Sipas Mundo Deportivos, një fitore për Barcelonën sot do të ishte një që do të futej në librin e historisë.
Ata momentalisht numërojnë 99 fitore në El Clasico, që do të thotë se ky numër mund të shkojë në 100 nëse dalin me tri pikë nga ky takim.
Megjithatë, Barcelona kanë ‘ngecur’ në atë shifër që nga muaji mars i vitit të kaluar, kur fituan me rezultat 2-1 në Spotify Camp Nou.
Real Madridi në anën tjetër ka fituar tri takimet e fundit zyrtare me Barcelonën, dy nga të cilat kanë ardhur këtë sezon./Telegrafi/
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...