Google ADS

Fitore e lehtë e Pejës, mposhtë Lipjanin me +30 pikë dallim

19:06 | 30 Janar 2020
Arbresh Info

Peja ka shënuar fitore ndaj Lipjanit me rezultat 108:71 (37:20, 23:17, 20:18, 28:16) në kuadër të javës së 23-të në Superligën e Kosovës në basketboll.

Pejanët kanë dominuar nga fillimi deri në fund për të shënuar fitore të merituar.

Vendasit e nisën shumë mirë ndeshjen dhe e fitojnë çerekun e parë 37:20. Lojë paksa më e baraspeshuar u zhvillua në periodën e dytë, që përfundoi 23:17 për Verdhezinjtë, kurse pejanët e fituan edhe periudhën e tretë 20:18. 10-minutëshi i fundit ishte formalitet (28:16) dhe Peja triumfoi në fund me rezultat 108:71.

Nigel Johnson shënoi 17 pikë për vendasit, derisa 15 shtoi Henrik Shirko, kurse Drilon Hajrizi kishte 10 pikë e 15 kërcime, ndërsa te Lipjani u dallua i zakonshmi Tamas Bruce me 27 pikë.

Peja tani ka 12 fitore dhe tetë humbje, derisa Lipjani një fitore dhe 20 humbje.

Shpërndaje në rrjete sociale

Lajmet më të lexuara

Të ngjashme

Foto lajm