Federata Botërore e Futbollit (FIFA) ka ndërmarrë një veprim ligjor kundër ish-presidentit Joseph Blatter dhe ish-zv/presidentit Michel Platini për të kthyer rreth 2 milionë dollarë që federata pretendon se në vitin 2011 i “pagoi padrejtësisht” Platinit, transmeton Anadolu Agency (AA).
“FIFA sot ka paraqitur pretendime në gjykatën zvicerane përkatëse kundër ish-presidentit të FIFA-s, Joseph Blatter dhe ish-zv/presidentit të FIFA-s, Michel Platini, duke kërkuar kthimin e 2 milionë frangave zvicerane (2.04 milionë dollarë), të paguara padrejtësisht z. Platini në vitin 2011”, tha FIFA.
FIFA po ashtu bëri të ditur se ky veprim pason nga rezoluta unanime e miratuar së fundmi nga Komiteti i udhëheqjes së federatës, në të cilën u theksua se “FIFA është e detyruar të përpiqet për kthimin e fondeve të paguara në mënyrë të paligjshme nga një ish zyrtar tjetër”.
“Po ashtu edhe Gjykata e Lartë e Zvicrës ka konfirmuar se kjo dhuratë prej 2 milionë franga zvicerane duhet të shihet si një ‘pagesë e padrejtë’“, tha FIFA.
FIFA kaloi në një krizë në maj të vitit 2015 kur policia bastisi hotelin “Baur au Lac” në Cyrih të Zvicrës për të arrestuar anëtarët e FIFA-s në një hetim korrupsioni që tronditi sportin.
Kreu i pezulluar i FIFA-s, Blatter, po ashtu është nën hetime nga autoritetet zvicerane.
Në nëntor të vitit 2015, Komiteti i Etikës i FIFA-s filloi procedurat zyrtare kundër Blatterit dhe Platinit.
Procedimet ndaj dy ish-zyrtarëve kanë të bëjnë kryesisht me një pagesë prej 2 milionë dollarësh të transferuara në shkurt të vitit 2011 nga FIFA te Platini.
“Blatter, në pozicionin e tij si president i FIFA-s, autorizoi pagesën ndaj Platinit i cili nuk kishte asnjë bazë ligjore në marrëveshjen e nënshkruar midis dy zyrtarëve më 25 gusht të vitit 1999. Pohimi i Platinit për një marrëveshje gojore ishte përcaktuar si jo bindëse dhe ishte refuzuar nga dhoma”, tha FIFA në dhjetor të vitit 2015.
Trump: Nëse fitoj, do t’i jap poste të rëndësishme Musk dhe ...
Koreja e Veriut: Do ta mbështesim Rusinë derisa të triumfojë...
Rama paralajmëron takimin me shqiptarët në Selanik: Do të ri...
Të dielën protestohet në Medvegjë me moton “Kthema adresën”
Zbardhet lista e Dardanëve të rinj për turneun kualifikues p...
142 aksidente trafiku në rajonin e Ferizajt gjatë muajit tet...