Presidenti Agim Ademi dhe sekretari i përgjithshëm Eroll Salihu po qëndrojnë për vizitë pune në Gjermani. Gjatë ditës së sotme krerët e FFK-së kanë vizituar Unionin e Bizneseve Shqiptare-Gjermane (UB) në Dyseldorf ku janë pritur nga kryetari i këtij unioni Nazmi Viqaj me bashkëpunëtorë.
Me këtë rast është bërë edhe nënshkrimi i marrëveshjes ndërmjet FFK-së dhe UB-së, e ku të pranishëm ishin edhe konsulli Arian Kashtanjeva dhe përfaqësuesit e FFK-së në Gjermani, vëllezërit Shoshi dhe Fekmi Kongjeli, me iniciativën e të cilëve është realizuar kjo marrëveshje.
Drejtuesit e UB-së i përgëzuan krerët e FFK-së për punën e mirë, të sinqertë dhe të drejtë, ku si rrjedhojë ky Union ka vendosur që ta përkrah FFK-në në projektet e saj.
Kryetari i UB-së Nazmi Viqaj dhe anëtarët e kryesisë Gani Nuha, Bekim Bytyqi e Vëllaznim Kelmendi e pëlqyen projektin e lansuar nga presidenti Ademi për 100 fusha të stërvitjes në Kosovë dhe u zotuan se bashkëpunimi dypalësh do të jetë korrekt, i sinqertë dhe i menjëhershëm.
Ademi dhe Salihu falënderuan UB-në që e kanë zgjedhur pikërisht FFK-në për partner dhe njëkohësisht falënderuan vëllezërit Xhevdet, Zija dhe Nexhat Shoshi si dhe Fekmi Kongjelin për organizimin dhe finalizimin e kësaj marrëveshjeje.
Në fund, UB shtroi darkë për krerët e FFK-së dhe mysafirët e tjerë të pranishëm.
Lideri suprem i Iranit thotë se Hamasi do të mbijetojë, pava...
“Tronditet” Serbia: “Hakohet” një billbord në Valevë – shqip...
Një ditë para Maratonës, Veliaj: Tirana të jetë një kartolin...
Franca premton mbështetje për planin e Ukrainës për t’i dhën...
Haradinaj takohet me diasporën shqiptare në Çikago: Secili p...
Pak kohë pas pensionimit nga futbolli, Varane merr një punë ...