Federata e Futbollit e Kosovës (FFK) dhe futbollistët e ekipit të Kosovës kanë ndarë 35 mijë euro për Fondin e Sigurisë, që javë më parë është hapur nga Qeveria e Republikës së Kosovës.
Në këtë shifër të ndarë për ushtrinë e vendit, me 50 për qind të mjeteve ka kontribuar FFK dhe anëtarët e Komitetit Ekzekutiv, derisa 50 për qind janë grumbulluar nga mjetet vetanake të futbollistëve të Kosovës.
“Ne si FFK konsiderojmë se kjo është vetëm një shifër simbolike, por mjaft domethënëse për forcimin e ushtrisë së vendit tonë dhe njëherësh është në interes të sigurisë dhe të ardhmes së qytetarëve tanë”.
“Falënderoj lojtarët e ekipit kombëtar për gatishmërinë e tyre për të përkrahur në vazhdimësi iniciativa të tilla dhe ky veprim i tyre le të shërbejë si motiv edhe për shumë të tjerë për ta mbështetur në të gjitha format forcimin e shtetit tonë”, ka thënë kryetari i FFK-së, Agim Ademi.
Ndryshe, Kosova gjatë të enjtes mbrëma mposht Burkina Fason me rezultat të thellë 5-0, ndërsa me 29 mars luan miqësoren e radhës në udhëtim te Zvicra. /Telegrafi/
Agjenti i Salah ofron shërbimet e egjiptianit te gjiganti ev...
Zv/kryeprokurori i Pejës Ersan Qavolli dhe familja e tij mer...
Erdogan bën thirrje për një embargo armësh ndaj Izraelit
Zbulohet se sa banorë do të hyjnë sot në BBVK
Biden: Armëpushimi është i mundshëm në Liban, por më i vësht...
Përjashtohen me 10 ditë nga seancat deputetët e PD-së Elda H...