Kryetari i Federatës së Basketbollit të Kosovës (FBK), Arben Fetahu ka pritur sot në zyrat e FBK-së Komisionin Vlerësues të ACES Europe, të cilët po e vizitojnë Prishtinën, me rastin e shpalljes zyrtare të kandidaturës për titullin “Prishtina, Qytet Evropian i Sportit 2024”.
Fetahu ka shprehur gatishmërinë për bashkëpunim dhe ndihmë në organizimin e kësaj ngjarje, së bashku me Komunën e Prishtinës, përcjell Arbresh.info.
I pari i basketbollit të Kosovës nënvizoi për rëndësinë që ka sporti, veçanërisht basketbolli në vendin tonë dhe shtoi se FBK e Komuna e Prishtinës gjithmonë kanë bashkëpunuar në projekte të rëndësishme për të rinjtë dhe basketbollin e Kosovës.
Përfaqësuesit e Komisionit Vlerësues të ACES Europe kanë vlerësuar lart angazhimin që po bëhet për sportin në kryeqytetin e Kosovës.
Të pranishëm në takim ishin edhe Drejtori i Sportit në Komunën e Prishtinës, Granit Rugova, ish-basketbollist dhe ish-Drejtor i Përfaqësueseve të Kosovës në basketboll dhe zëvendësministri i Sportit dhe Arsimit të Shqipërisë, Endrit Hoxha.
Prishtina sot zyrtarisht ka shpallur kandidaturën, ndërsa deri në fund të javës tjetër pritet përgjigjja e komisionit.
Titullin “Qyteti Evropian i Sportit”, në vitin 2023 e mban Tirana./Arbresh.info/
Kina, sanksione ndaj 7 kompanive si kundërpërgjigje ndaj ndi...
Mali i Zi vendos ta ekstradojë në SHBA “mbretin e kriptovalu...
Ndahen pagat për shërbyesit publikë, si dhe shtesat për fëmi...
KQZ-ja hap thirrjen për akreditimin e vëzhguesve për zgjedhj...
Zelensky: Ukraina do ta ndihmojë Sirinë
“Po edhe shumë”, Driloni më në fund pranon pëlqimin për Sarë...
📱 Shkarkoni Aplikacionin Arbresh.info për lajmet dhe përditësimet më të fundit!
Skip to content
![Google ADS](https://www.arbresh.info/wp-content/uploads/2024/12/b_728-90-e1734444913289.jpg")
