Fernando Torres afër kontratës së re

16:57 | 23 Mars 2017
Arbresh Info

Sulmuesi me eksperiencë të madhe, Fernando Torres është afër vazhdimit të kontratës për edhe një vit me Atletico Madridin.

Ish ylli i Liverpoolit dhe Chelseat, i cili feston ditëlindjen e 33-të të hënën, tashmë i ka plotësuar kërkesat e pranuar më parë me klubin për të vazhduar qëndrimin edhe për një vit tjetër, transmeton portali arbresh.info.

Torres ishte votuar nga tifozët si Lojtari i Muajit gjatë shkurtit dhe së fundmi është rikuperuar nga lëndimi në kokë që pësoi në barazimin 1 me 1 në ‘Deportivo La Coruna’ në fillim të muajit.

“Jam shumë i lumtur me Fernandon”, ka thënë trajneri i Atleticos, Diego Simeone. “E shoh atë në stërvitje, stërvitet më mirë se të rinjtë”

Ish reprezentuesi i Spanjës ka shënuar shtatë gola brenda 31 paraqitjeve për “Los Rojiblancos” këtë sezon./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm