Sekretari teknik i Barcelonës, Robert Fernandez ka hedhur poshtë thashethemet se do të shesin Neymarin duke refuzuar gjithashtu se nuk janë në bisedime me sulmuesin e Juventusit, Paulo Dybalan.

25-vjeçari ka qenë duke u kërkuar shumë për transferim nga gjiganti në Premierë Ligë, Manchester United, por Fernandez tha se nuk ekziston ndonjë mundësi që Neymar, i cili ka kontratë me skuadrën spanjolle deri në qershor të vitit 2021, të largohet nga Camp Nou, transmeton portali arbresh.info.

“Ai është plotësisht i pa transferueshëm”, tha Fernandez për ‘RAC1‘.

Lexo më shumë: Skuadra franceze ofron 20 milionë për sulmuesin e Arsenalit (FOTO)

Barcelona është thënë gjithashtu se është duke negociuar për transferimin e Dybalas, ylli i Juventusit i cili me golat në Torino arriti të eliminojë gjigantin në La Liga nga Liga e Kampionëve.

Megjithatë, Fernandez tha se Barcelona tashmë ka linjën e duhur në front të përbërë nga Lionel Messi, Neymar dhe Luis Suarez.

“Ai është një lojtar i mrekullueshëm, por ne tashmë kemi treshen më të mirë në botë”, tha ai.

Reprezentuesi brazilian ka bërë 10 asistime në ligë dhe ka shënuar nëntë gola./arbresh.info