Fernandes flet për të ardhmen pas interesimit nga Arabia Saudite

13:44 | 19 Nëntor 2023
E.H

Kapiteni i Manchester United, Bruno Fernandes, ka insistuar se është i lumtur në klub, pavarësisht raporteve që e lidhin atë me një transferim në Arabinë Saudite.

Fernandes thuhet se kërkohet nga Fondi i Investimeve Publike të Arabisë Saudite (PIF), që ka në pronësi katër skuadra të Ligës Pro Saudite.

Pavarësisht se është kapiten i United paraqitjet dhe qëndrimi i mesfushorit kanë tërhequr kritika gjatë vitit të kaluar.

Megjithatë, 29-vjeçari ka hedhur poshtë thashethemet se ai mund të largohet nga “Old Trafford”.

“Unë jam i fokusuar te kombëtarja dhe United. Jam i lumtur ku jam. Në Kombëtare kemi pasur disa momente shumë të mira, te Manchester United nuk e nisëm ashtu siç donim. Unë nuk i shikoj thashethemet. Unë nuk u kushtoj vëmendje atyre. Sot është shumë e lehtë të përhapësh thashetheme në shtyp. Preferoj të përqendrohem në objektivat e mia”, tha ai.

Kontrata e tij skadon në vitin 2026, kohë në të cilën ai do të jetë 31 vjeç. /Lajmi.net/

Shpërndaje në rrjete sociale

Lajmet më të lexuara

Të ngjashme

Foto lajm