Google ADS

FC Prishtina do të përgatitet në Antalia të Turqisë për pjesën e mbetur të edicionit

17:52 | 20 Dhjetor 2021
KRG

FC Prishtina përgatitjet për pjesën e mbetur të edicionit do t’i nisë më 5 janar.

Si fillim skuadra e drejtuar nga trajneri Abdulah Ibrakoviq do të përgatitet në kryeqytet, kurse më 22 janar do të zhvendoset në Antalia të Turqisë, ku do të përgatitet deri më 2 shkurt.

Prishtina në Turqi do t’i zhvillojë edhe disa ndeshje me skuadra të huaja, derisa për emrat e kundërshtarëve do të njoftoheni gjatë ditëve në vijim , njofton faqja e klubit përcjell arbresh.info.

Futbolli kosovar rifillon më 5 dhe 6 shkurt me ndeshjet e 1/8 së Kupës së Kosovës, me ç’rast Prishtina përballet në “Fadil Vokrri” me Drenicën, ndërsa BKT Superliga do të rinisë më 12 dhe 13 shkurt.

Prishtina në vjeshtë ka përfunduar në pozitën e pestë me 24 pikë të grumbulluara, 11 më pak se lideri SC Gjilani. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm