Google ADS

FBK-ja pensionon numrin 15 në nder të Gazmend Sinanit

12:43 | 25 Qershor 2018
Arbresh.info

Kryetari i Federatës së Basketbollit të Kosovës, Arben Fetahu përmes një postimi në Facebook ka konfirmuar se është marrë vendimi që fanella me numër 15 e kombëtares së Kosovës e veshur nga Gazmend Sinani do të pensionohet.

Fetahu ka shkruar se Sinani ishte i vetmi që e kishte bartur këtë numër, dhe për nder të tij do të pensionohet, transmeton Koha.net.

Gazmend Sinani dje kishte vdekur pas një aksidenti të rëndë në trafik, me ç’rast edhe katër të tjerë ishin lënduar, tre basketbollistët Granit e Fisnik Rugova, Altin Morina dhe fizioterapeuti Kujtim Shala, transmeton Koha.net.

“Ishe i pari që veshe fanellën e Kombëtares me numër 15. Atë numër e kërkove prapë pardje. Atë numër do ta mbash përgjithmonë vetëm ti, Gazi jonë. Numri 15 i Kombëtares sonë do të pensionohet me emrin tënd, Gazmend Sinani”, ka shkruar Fetahu.

Ai më tutje ka shtuar, “ishe plot jetë Gaz. Ike nga kjo jetë papritmas, por do të mbetesh gjithë në zemrat e të gjithë atyre që të njohën”.

Shpërndaje në rrjete sociale

Lajmet më të lexuara

Të ngjashme

Foto lajm