Google ADS

Fazliu humb çerekfinalen, me respasazh do të kërkojë medaljen e bronztë

13:39 | 21 Maj 2024
D.H

Xhudistja jonë, Laura Fazliu do ta kërkojë medaljen e brozntë me anë të repesazhit në Kampionatin Botëror të xhudos që po mbahet në Abu Dabi të Emirateve të Bashkuara Arabe.

Laura e ka nisur botërorin pa ndeshje në raundin e parë, ndërsa në dy luftërat pasuese ka shënuar fitore në kategorinë deri në 63 kilogramë.

Në luftën e parë, xhudistja jonë ka dominuar kroaten Katarina Kristo, duke e mposhtur me ‘waza-ari’.

Në luftën e dytë, Laura vazhdoi me fitore, ku kësaj radhe mposhti me ‘ippon’ rivalen ruse, Dalu Liliashvili, duke kaluar në çerekfinale.

Megjithatë, në çerekfinale, xhudistja jonë ishte e pafat duke humbur nga Andreja Leski e Sllovenisë.

Tani, Laura do ta kerkojë medaljen e bronztë me anë të repesazhit, ku do të ndeshet me australianen Katharina Haecker.

 

Shpërndaje në rrjete sociale

Lajmet më të lexuara

Të ngjashme

Foto lajm