Fabregas: Wenger më i mirë se Guardiola dhe Mourinho

14:50 | 25 Maj 2020
Arbresh Info

Ish kapiteni i Arsenal-it, Cesc Fabregas beson se Arsene Wenger është më i mirë se Pep Guardiola dhe Jose Mourinho për t’i mësuar lojtarët e rinj.

Fabregas nën urdhrat e Wenger debutoi në vitin 2003, sa ishte vetëm 16-vjeç, transmeton portali arbresh.info.

Spanjolli beson se nuk ka ndonjë trajner më të mirë për lojtarët e rinj se Wenger, i cili i mëson të gjithë si të luajnë ndeshjet.

“Mendoj se Arsene Wenger është më i miri për lojtarët e rinj. Nuk e shoh ndonjë më të mirë sepse të jep mundësitë për të mësuar”.

“I mëson lojtarët e rinj si të luajnë ndeshjet. Ka fuqinë si të kalojë kohë me lojtarët dhe t’i mësojë gjithçka që dëshiron”.

“Ai e ka durimin. Nëse një herë luan keq, ai do të jap mundësi tjetër, pastaj përsëri një tjetër”, theksoi ai.

Fabregas momentalisht është te Monaco, ndërsa ky sezon për të ka përfunduar, pasi Ligue 1 u ndërpre parakohe./arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm