Google ADS

Evertoni përgatit pako 100 milionëshe për anësorin Wilfried Zaha?

11:10 | 6 Gusht 2019
Arbresh Info

Evertoni raportohet të ketë përgatitur një marrëveshje që prek shifrën prej 100 milionë funta në mënyrë për të fituar garën për anësorin e Crystal Palaces, Wilfried Zaha.

Me transferimin e Nicolas Pepes te Arsenali nga Lille, Evertoni është shfaqur tani si klubi favorit për shërbimet e reprezentuesit të Bregut të Fildisht para mbylljes së merkatos verore, transmeton portali arbresh.info.

“Toffees” kishin dështuar me ofertën e shtruar prej 50 milionë funta muajin e kaluar, por duket se nuk kanë ndërmend të heqin dorë në nënshkrimin me sulmuesin.

Bazuar në Daily Mail, Evertoni është i përgatitur për të paguar 65 milionë funta si dhe për të përfshirë dyshen Cenk Tosun dhe James McCarthey në marrëveshjen.

Asnjëri nga lojtarët nuk është pjesë e planeve të Marco Silvas, ndërkohë që Palace – pavarësisht se ngurrojnë ta shesin Zahan, mund të jenë të kënaqur me përfitimet në këtë marrëveshje.

Raporti shton gjithashtu se Palace dëshiron të pranoj 120 milionë funta për lojtarin e tyre./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm