Google ADS

Eto’o: Nëse Messi largohet, Barcelona duhet ta ndërrojë emrin

16:09 | 18 Gusht 2020
A. B.

Nëse Lionel Messi largohet nga Barcelona, atëherë duhet t’ia ndërrojmë emrin klubit – kështu është shprehur ish-sulmuesi i Blaugranëve, Samuel Eto’o.

Superylli argjentinas, i cili është bërë sinonim i klubit katalunas, është në dilemë për të ardhmen e tij, nëse do të vazhdojë me klubin që ia kushtoi gjithë karrierën profesionale, apo të transferohet diku tjetër.

Eto’o, i cili ka qenë pjesë e skuadrës në të cilën Messi shkëlqeu në fillet e karrierës, konsideron se largimi i kapitenit është diçka e paimagjinueshme.

“E dua Messin sikur të ishte djali im, ia dua më të mirat. Barcelona është Messi dhe mendoj se nëse Messi largohet, duhet t’ia ndërrojmë emrin klubit”.

“Jemi të lumtur që e kemi te Barcelona futbollistin më të mirë në botë dhe të të gjitha kohërave, duhet të bëjmë gjithçka që është e mundur për t’u siguruar që ta përfundojë karrierën te Barcelona”, është shprehur kamerunasi për TyC Sports. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm