Mohamed Salah insiston se është “shumë i lumtur” në Liverpool dhe beson që ata “janë në një fillim” të një epoke të re suksesi.

“Jam shumë i lumtur këtu, jam shumë i lumtur dhe gjithçka është në rregull këtu”, ka thënë reprezentuesi egjiptian kur është pyetur rreth të ardhmes së tij, transmeton portali arbresh.info.

Sulmuesi sensacional i “Redasve” ka tërhequr vëmendjen e gjigantëve evropian pas një super sezoni në Anfield brenda të cilit ka realizuar 43 gola brenda 46 paraqitjeve në të gjitha kompeticioneve.

“Ne jemi edhe dy ndeshje, duke filluar me ndeshjen e së dielës [kundër Brightonit]. Është një ndeshje shumë e rëndësishme dhe më pas finalja e Ligës së Kampionëve, por jam shumë i lumtur këtu”

“Sigurisht, unë kam ambicie për të ardhmen me Liverpoolin. Ashtu siç e keni parë, ne kishim një sezon të mrekullueshëm dhe tani jemi në finale të Ligës së Kampionëve dhe të gjithë janë të ngazëllyer”

“Është vetëm fillimi. Ky është vetëm viti im i parë këtu dhe është ngjashëm edhe për shumë lojtarë të tjerë këtu”

25-vjeçari, i cili është përfolur shumë për transferim te gjiganti spanjoll – Real Madridi, është transferuar te klubi në Premierë Ligë nga AS Roma gjatë verës./arbresh.info/