Eros Grezda prezantohet tek skuadra skoceze

16:59 | 31 Gusht 2018
Arbresh.info

Eros Grezda edhe zyrtarisht është futbollist i skuadrës skoceze Glasgow Rangers.

Sulmuesi i talentuar shqiptar ka kompletuar transferimin te gjiganti skocez nga klubi kroat Osijek.

23-vjeçari ka nënshkruar kontratë afatgjate me Rangersin deri në verën e vitit 2022.

Shuma e këtij transferimi besohet se është rreth tre milionë euro, që Rangers i ka paguar klubit kroat Osijek.

Gjiganti skocez e kanë prezantuar Grezdën dhe pritshmëritë për të janë tejet të mëdha.

“Ai është një lojtar i shkëlqyer, tifozët do ta dashurojnë shumë atë”.

“Erosi është vërtetë i shpejtë dhe do të na ndihmojë shumë, ai ka edhe përvojë ndërkombëtare”, ka thënë Steven Gerrard.

Reprezentuesi shqiptar ka bërë gjashtë paraqitje me Kombëtaren kuq e zi duke shënuar edhe një gol.

Gjatë karrierës së tij, Grezda ka luajtur edhe për skuadrat sllovene si Zavrc dhe Aluminj para se të kalojë te Lokomotiva e Zagrebit dhe së fundmi në Osijek. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm