Ka vazhduar edhe sot gara e Kampionatit të Kosovës në automobilizëm dhe është mbajtur në shtegun e Brezovicës. Kjo ishte gara e tretë e disiplinës malore për këtë vit.
Gjithashtu, ky shteg është i gjatë 7.7 kilometra dhe gara e sotme është zhvilluar me vetëm një vozitje.
Më i miri i kësaj gare ishte vozitësi Ernest Daka i cili me veturën e tij BMW 325i ka arritur që këtë shteg ta kalojë për 4 minuta e 57 sekonda, raporton Koha.net. Pas tij, këtë shteg e ka kaluar për 5 minuta e 0 sekonda vozitësi Besfort Bunjaku me veturën Opel Astra SP.
Ndërsa vendin e tretë në këtë garë e ka zënë Valon Jaha me BMW për 5 minuta e 1 sekondë.
Për këtë garë, po ashtu, Federata e Auto Sportit të Kosovës ka angazhuar 33 zyrtarët e saj të cilët së bashku me Policinë e Kosovës, Ndihmën e Shpejtë, Brigadën e Zjarrfikësve dhe Auto Klubin “Ferizaj” kanë bërë gjithçka të mundur që gara të rrjedhë sa më mirë.
Policia shqiptoi 1 mijë e 807 gjoba trafiku brenda 24 orëve
Një arkatare e një marketi në Prishtinë raporton 200 euro të...
Arrestohen dy persona në Prishtinë, dyshohet se sulmuan një ...
Arrestohet punëtorja e një kompanie të sigurimit në Prishtin...
Babai në Viti e lajmëron të zhdukur vajzën e tij të mitur
Rama ndan albumin e fotografive nga Java e Kombeve të Bashku...